Bu gün Rusiya Federal Təhlükəsizlik xidmətinin direktor müavini polkovnik-leytnant Aleksandr Jdankov 30 nəfərlik heyətlə Gəncəyə səfər edib. Trendin Qərb Bürosunun verdiyi məlumata görə heyət üzvləri ilk olaraq Heydər Əliyevin heykəlini ziyarət edib və heykəl önünə əklil qoyublar.
Sonra qonaqlar şəhərin mərkəzi meydanında olan musiqili fanata baxıblar, oradan Şah Abbas Came məscidinə baş çəkiblər. Rusiyanın Federal Təhlükəsizlik xidmətinin direktoru və onu müşayiət edən şəxslər "Gəncə Şərab-2" Qapalı Səhmdar Cəmiyyətinə də gediblər və burada müəssisə rəhbəri ilə danışıqlar aparıblar.
Heyət üzvləri gəlişlərinin məqsədini rəsmi açıqlamasalar da, üzvlərin birindən alınan məlumata görə məqsəd iki ölkə arasında nakomaniya, qaçaqmalçılıq və terrorizm mövzuları barədə müzakirələr aparmaqdır.
Heyət üzvləri Gəncədən əvvəl 2 gün Şəkidə olublar.