Ötən il Naxçıvan MR Dövlət Əmək Müfəttişliyinə vətəndaşların hüquqlarının pozulması ilə bağlı 47 nəfər müraciət edib.
Ötən il Naxçıvanda 123 müəssisədə 282 hüquq pozuntusu aşkarlanıb. Trend in Naxçıvan Bürosu məlumatı Naxçıvan MR Dövlət Əmək Müfəttişliyinin məlumatına istinadən xəbər verir ki, aparılan araşdırmalar nəticəsində hüquq pozuntuları 118-i dövlət, 5-i özəl müəssisədə aşkarlanıb.
Məlumata görə ötən il regionda fəaliyyət göstərən idarə və müəssisələrdə, xüsusən də ticarət və iaşə obyektlərində 126 halda gizlədilmiş iş yerləri aşkar edilib. Bundan əlavə idarənin əməkdaşları tərəfindən 334 sahibkarlıq subyektində araşdırma aparılaraq 133 halda əməkhaqlarının minimum məbləğinin artırılmasına nail olunub.
Bütövlükdə , Naxçıvan MR Dövlət Əmək Müfəttişliyinə vətəndaşların hüquqlarının pozulması ilə bağlı 47 ərizə daxil olub. Bütün hallarda ərizələrin tam əksəriyyətinin icrası təmin edilib.
