"Azərbaycan yolu" Siyasi Hərəkatının rəhbəri İlqar Qasımovun üzərində yenidən cərrahiyyə əməliyyatı aparılıb. Bu barədə Trend ə Hərəkatdan məlumat verilib.
Qeyd edək ki, ötən il dekabrın 28-də Moldovanın Dubassarı şəhərinin ərazisində avtomobil qəzasına uğramış İlqar Qasımovun üzərində cərrahiyyə əməliyyatı aparılmışdı. Həkimlər onun səhhətində yaranmış problemin yalnız cərrahiyyə yolu ilə aradan qaldırılması qənaətinə gəldikdən sonra İ.Qasımov Moskva şəhər xəstəxanalarının birinə yerləşdirilib və əməliyyat olunub.
Hazırda həkimlər İ.Qasımovun reabilitasiya kursunun normal keçdiyini və fevral ayının ikinci ongünlüyünə qədər səhhətinin bərpa olunacağını bildiriblər. Qəza ilə bağlı istintaq zamanı məlum olub ki, ağır yol qəzasının başvermə səbəbi iri tnnajlı "KAMAZ" markalı sementdaşıyan yük maşınının İ.Qasımovun və digər rəsmi şəxslərin olduğu avtomobilin hərəkət istiqamətinə çıxması ilə əlaqədardır.