İslamabadda Azərbaycanın Pakistandakı səfirliyi üçün binanın tikintisinə başlanacaq. Bu barədə eksklüziv olaraq Trend ə Azərbaycanın Pakistandakı səfirliyinin məsləhətçisi Sabir Rzayev bildirib.
Onun sözlərinə görə, binanın özülünün qoyulması fevralın 6-7-də Azərbaycan baş nazirinin birinci müavini Yaqub Eyyubovun başçılığı altında Azərbaycan hökuməti nümayəndə heyətinin Pakistana səfəri zamanı baş tutacaq. Diplomat qeyd edib ki, özülqoyma mərasimində Pakistan rəhbərliyi və hökumətinin məsul şəxslərinin iştirak etməsi də gözlənilir.
Hazırda səfirlik icarəyə götürülmüş binada yerləşir..
