2007-ci il üçün Gəncənin büdcəsi 33 milyon 99 min manat təşkil edir. Bu haqda məlumatı Trendə Gəncə şəhər Maliyyə İdərəsinin rəisi Əvəz Babayev verib.
Müsahibin sözlərinə görə vəsaitin təxminən 12 milyonu yerli, qalanı isə dövlət büdcəsindən ayrılıb.
Ə. Babayev Gəncənin büdcə vəsaitləri ilə bağlı dotasiya sisteminin artıq tətbiq olunmadığını bildirdi: "Gəncə şəhər büdcəsinə ayrılmalar ötən ildən xəzinədarlığın V mərhələsi vasitəsi ilə həyata keçirilir. Gəncə respublikamızda Xaçmaz və Bakı şəhərinin Xətai rayonu da daxil olmaqla pilot şəhər elan edilib. Hazırda isə şəhərin gəlirləri və xərcləri nəzərə alınaraq, Maliyyə Nazirliyinə proqnoz göndərilir. Sonrakı mərhələlərdə büdcənin təstiqindən sonra vəsaitlər şəhərin vergi və digər sahələrdən gələn yerli gəlirləri və dövlət büdcə vəsaitləri hesabına maliyyələşir".
İdarə rəisi ötən ildə olduğu kimi şəhər büdcəsinin təxminən 60 faizinin əmək haqları, sossial və pension fonda olan ayırmalar təşkil etdiyini bildirdi. Onun sözlərinə görə, Gəncədə sahibkarlığın inkişafı nəticəsində bu sahədən gələn yerli gəlirlər də xeyli artıb:
Əvəz Babayev 2003-cü ildən 2007-ci ilədək Gəncə şəhər büdcəsinin 2 dəfə artdığını da vurğıladı. Belə ki, bu dövr ərzində şəhərə ayrılan büdcə vəsaitləri təxminən 10 milyon dollardan 37 milyon ABŞ dollarınadək artırılıb.