"GUAM-demokratiya və iqtisadi inkişaf naminə təşkilat"ın gələcək inkişaf məsələləri martın 15-16-da Kiyevdə keçirilməsi planlaşdırılan Milli Əlaqələndiricilər Komitəsinin (MƏK) iclasında diqqət mərkəzində olacaq.
Bu barədə Trend ə Azərbaycanın Ukraynadakı səfirliyinin məsləhətçisi Səbuhi Temirov bildirib.
Gürcüstan, Ukrayna, Azərbaycan və Moldova milli əlaqələndiriciləri təşkilatın katibliyinin açılması və bir sıra təşkilati məsələləri müzakirə edəcəklər. MƏK iclasında Azərbaycanı xarici işlər nazirinin müavini Araz Əzimov təmsil edəcək. MƏK iclasının proqramı təşkilatın ekspertlərinin görüşündə hazırlanacaq.