...

Prezident Aparatının şöbə müdiri: "Siyasi partiyalar haqqında" qanun bu il parlamentdə müzakirəyə çıxarılacaq

Siyasət Materials 12 Mart 2007 18:52 (UTC +04:00)

Azərbaycan, Bakı / Trend müxbir S.İlhamqızı/ "Siyasi partiyalar haqqında" qanun bu il parlamentdə müzakirəyə çıxarılacaq. Bu barədə Prezident Aparatı ictimai-siyasi şöbəsinin müdiri Əli Həsənov açıqlama verib.

O, bu qanuna əlavə və dəyişikliklər edilməsi üçün Milli Məclisdə müzakirəyə çıxarılmasının gecikdirilməsinə aydınlıq gətirib: "Bunun səbəbi odur ki, "Siyasi partiyalar haqqında" qanun cəmiyyətdə daha çox müzakirə edilməli, bütün ictimai, siyasi təşkilalar, vətəndaşlar buna münasibət bildirməlidir. Geniş ictimai müzakirələr nəticəsində qəbul edilmiş qanunlar daha uzunmüddətli və optimal olur".

Həsənov Azərbaycan-Türk diasporlarının Bakıda keçirilmiş I Forumunun əhəmiyyətini şərh edərkən bildirib ki, bundan sonra diasporlarımızın tədbirləri daha mütəşəkkil olacaq və təşkilatlar bir-birilərinin imkanlarından qarşılıqlı şəkildə istifadə edəcəklər. Həsənovun sözlərinə görə, dövlətlərimiz də məhz diasporların vasitəsilə özünün bir sıra xarici problemlərinin həllinə çalışır: "Ayrı-ayrılıqda sönük fəaliyyət göstərən diaspor təşkilatları bundan sonra birləşərək öz ölkələrinin həyatında ciddi ictimai, siyasi faktor kimi çıxış edəcəklər. Onlar mütəşəkkil qüvvəyə çevrilərək həm də xaricdə - yaşadıqları ölkələrdə ictimai, siyasi proseslərə də təsir göstərə bilərlər. Xarici ölkələrin seçkili orqanlarında, dövlət qurumlarında çalışan soydaşlarımız vasitəsilə də bu dövlətlərin Azərbaycanla bağlı siyasətinə təsir göstərmək mümkündür".

Xəbər lenti

Xəbər lenti