Azərbaycan, Bakı / Trend , müxbir İ.Əlizadə/ ATƏT Parlament Assambleyasının növbəti yay sessiyasının iyulun 3-dən 9-dək Ukraynanın paytaxtı Kiyev şəhərində keçirilməsi gözlənilir. Bu barədə cümə axşamı Bakıda Azərbaycanın ATƏT Parlament Assambleyasındakı (PA) daimi nümayəndə heyətinin üzvü, Milli Məclisin Aqrar siyasət daimi komissiyasının sədri Eldar İbrahimov məlumat verib.
O qeyd edib ki, Azərbaycanın qurumdakı nümayəndə heyəti sessiya zamanı Dağlıq Qarabağ münaqişəsini gündəmə gətirəcək.
Azərbaycanın ATƏT PA-dakı nümayəndə heyətinə Milli Məclis sədrinin müavini Bahar Muradova rəhbərlik edir. Nümayəndə heyətinə deputatlar Eldar İbrahimov, Rəbiyyət Aslanova, Fazil Qəzənfəroğlu, Fəttah Heydərov daxildir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
