Azərbaycan, Bakı /müx. " K.Ramazanova/ Azərbaycanın Rusiyadakı səfiri Polad Bülbüloğlunun telefonla verdiyi məlumata görə, Azərbaycan prezidenti İlham Əliyevin Rusiyaya qeyri-rəsmi səfəri başlanıb.
İyunun 30-da Rusiya prezidentinin təşəbbüsü ilə Rostov-na-Donu şəhərində MDB ölkələrinin dövlət başçılarının dəvət olunduğu görüş təşkil olunacaq.
Günorta saatlarında isə Rusiya prezidentinin mükafatı uğrunda at yarışları keçiriləcək və bundan sonra tədbir iştirakçılarının şərəfinə təmtəraqlı nahar təşkil olunacaq.
Dövlət başçılarının qeyri-rəsmi görüşlər keçirəcəyi də gözlənilir.