Azərbaycan, Bakı, 23 yanvar /müx. TrendLife Günel Əhmədova/
Müğənni Vasif Məhərrəmlinin üzərində çalışdığı tele-layihə milli musiqilrəmizi əhatə edəcək. Müğənninin TrendLife-a bildirdiyinə görə, bir saata yaxın davam edəcək musiqili proqram "Rast" production-un yaradıcılarından olan Asif Kərimovun dəstəyi ilə ərsəyə gətirilir. Mahnı seçimi yekunlaşdıqdan sonra çəkilişlərə start veriləcək. Hazırda isə müğənni "Maşın" realiti-şousuna qatılaraq avtomobil uğrunda mübarizə aparacaq. O, şoudan maşınla birlikdə ayrılmaq üçün əlindən gələni edəcəyini söylədi.