Azərbaycan,Bakı,19 iyun / , müxbir K.Zərbalıyeva/ Azərbaycanın sabiq millət vəkili müxalif yönümlü qəzetə qarşı iddiasını geri götürüb.
Hüseyn Abdullayevin vəkili Cavanşir Süleymanov cümə axşamı Trend -a bildirib ki, "Bizim Yol" qəzetinə qarşı qaldırdığları iddiadan imtina etdikləri üçün, Xətai rayon Məhkəməsinin qətnaməsi ləğv olunub, icraata xitam verilib və tərəflər barışıq barədə razılığa gəliblər.
Abdullayev "Bizim Yol" qəzetində şərəf və ləyaqətinə xələl gətirən yazıya görə, Xətai rayon Məhkəməsində iddia qaldırmışdı. İddiada qəzetin təkzib verməsi, üzr istəməsi və 150 min manat dəyərində cərimə olunması tələb olunurdu. Məhkəmənin qərarı ilə "Bizim Yol" 100 manat cərimələnib. Cavabdeh həmin qərardan apellyasiya şikayəti verib.
Bakı Apellyasiya Məhkəməsi isə, iddiaçının iddiasından imtina etməsini əsas gətirərək, icraata xitam verib.
Müəlliflə əlaqə saxlamaq üçün elektron ünvan - [email protected]