Azərbaycan, Naxçıvan, 29 oktyabr/ Trend , müxbir E.Məmmədov/ Bu ilin 9 ayında Naxçıvanda doğulan uşaqların sayı artıb.
Naxçıvan Muxtar Respublikası Dövlət Statistika Komitəsindən çərşənbə günü Trend -a verilən məlumata görə, cari ilin 9 ayı ərzində Naxçıvan Muxtar Respublikasında ötən ilin müvafiq dövrü ilə müqayisədə 352 nəfər (7,2 faiz) çox uşaq dünyaya gəlib. Muxtar Respublikada doğulan uşaqların sayı 5260 nəfər təşkil edib.
Bir yaşınadək uşaqlar arasında ölüm faizi isə aşağı düşüb. 9 ay ərzində bu göstərici 8 nəfər olub. Bu da ötən illə müqayisədə 1,9 dəfə azalma deməkdir.
Məqalə müəllifi ilə əlaqə ünvanı: [email protected]
