Azərbaycan, Bakı, 30 oktyabr / Trend , müxbir R.Ergün/ Kişilərdən ibarət otüstü hokkey üzrə Azərbaycan çempionatında qalibi müəyyənləşdirmək üçün "qızıl oyun" keçiriləcək. Bu barədə Trend -a Azərbaycan Otüstü Hokkey Federasiyasının (AOHF) mətbuat xidməti məlumat verib.
Çempionatın 6-cı final turunda "Atasport"la "Akkord" arasında keçirilən görüşdə "Atasport" 3:2 hesabı ilə qalib gəlib. Bu oyundan sonra hər iki komandanın xalı bərabərləşdiyi üçün "qızıl oyun"un keçiriləcəyi məlum olub.
Otüstü hokkey üzrə Azərbaycan çempionunun adına aydınlıq gətirəcək "qızıl oyun" noyabrın 1-də keçiriləcək.
Məqalə müəllifi ilə əlaqə ünvanı: [email protected]