Azərbaycan, Bakı, 14 may / Trend , müxbir D.İbrahimova /
"Azərbaycan Gimnastika Federasiyasının (AGF) regionlarda idmanın inkişafı ilə bağlı planları var", - bu gün mətbuat konfransında jurnalistlərə federasiyanın vitse-prezidenti Altay Həsənov deyib.
"Bu bizim istəyimizdir. Biz regionlarda idmanı inkişaf etdirmək istəyirik", - o deyib.
Onun fikrincə, hansısa regionun ayrılıqda buna hazır olduğunu söyləmək olmaz
"İstənilən idman növü xüsusi hazırlıq tələb edir və biz regionların bütün tələblərə cavab verməsi üçün hər şey etməliyik", - Həsənov bildirib.
"Böyük yarışlara hazırlıq üçün federasiyaya vaxt tələb olunur", - Həsənov hesab edir.
Mayın 15-də Bakıda bədii gimnastika üzrə 2009-cu ilin Avropa Çempionatı başlayır. Yarışın keçirilməsi məsuliyyətini AGF öz üzərinə götürüb. Yarışlarda 32 ölkədən 186 gimnast iştirak edəcək. Həmin gün yerli vaxtla saat 18.30-da çempionatın rəsmi açılış mərasimi keçiriləcək.