Azərbaycan, Lənkəran, 5 oktyabr / Trend , muxbir P.Əliyeva / Azərbaycanın cənub bölgəsində (Lənkəran, Astara, Masallı, Yardımlı, Lerik, Cəlilabad və Biləsuvar) QİÇS xəstələrinin sayı artıb.
Lənkəran Rayon Gigiyena və Epidemiologiya Mərkəzinin (RGEM) HİV/QİÇS diaqnostikası laboratoriyasının müdiri Rəmiəli İbişov bazar ertəsi Trend -a bildirib ki, hazırda regionda 334 nəfər QİÇS xəstəsi var.
Ötən ilin müvafiq dövründə QİÇS xəstələrinin sayı bölgədə 246 olub. Onun sözlərinə görə, HİV-ə yoluxanların 65-70 faizi narkotika aludəçiləridir.
İbişov deyir ki, Lənkəranda cari ilin 9 ayında QİÇS-ə yoluxmuş 19 xəstə aşkar edilib. Ümumi QİÇS daşıyıcılarının sayı isə rayonda 181 nəfərdir.
Onun sözlərinə görə, daşıyıcıların 9 nəfəri son üç ayda aşkarlanaraq qeydiyyata götürülüb.
Doqquz ayda aşkar edilən 19 nəfərin 14-ü kişi olmaqla narkomandırlar. Onların 11 nəfəri kənd , 8-i şəhər sakinləridir. Yoluxmaların 4-ü ər-arvad olmaqla ailəvi yoluxmadır.
İndiyədək rayonda 28 , 2009-un 9 ayında 7, son üç ayda isə 4 QİÇS-li xəstə dünyasını dəyişib.
Məqalə müəllifi ilə əlaqə ünvanı: [email protected]
Azərbaycanın cənub bölgəsində QİÇS xəstələrinin sayı artıb
Lənkəran Rayon Gigiyena və Epidemiologiya Mərkəzinin (RGEM) HİV/QİÇS diaqnostikası laboratoriyasının müdiri Rəmiəli İbişov bazar ertəsi Trend News-a bildirib ki, hazırda regionda 334 nəfər QİÇS xəstəsi var.
