Azərbaycan, Bakı, 01 dekabr / Trend , müxbir H.Bağırov/
Azərbaycan paytaxtında silahlı basqınlar törətməkdə təqsirli bilinən şəxslərə hökm oxunub.
Trend -un məlumatına görə, çərşənbə axşamı Ağır Cinayətlərə Dair İşlər üzrə Məhkəmənin hökmü ilə Bakı şəhər sakinləri - Rəşad Mazanova 9 il 6 ay, Elşad İslamova 9 il azadlıqdan məhrumetmə cəzası təyin edilib.
Təqsirləndirilən şəxslər bu ilin yanvarında Yasamal rayonu. Şərifzadə küçəsi, 134 saylı binanın qarşısında Firudin Qəmbərovun idarə etdiyi VAZ-2107 markalı avtomaşına basqın ediblər. Onlar Qəmbərova özlərində olan tapança ilə hədə-qorxu gələrək, mobil telefonunu və 26 manatını alaraq aradan çıxıblar.
Bundan başqa, təqsirləndirilənlər yanvarda Bəxtiyar Həsənova basqın edərək 139 manatını, fevralda Mercedes-Benz markalı avtomaşının sürücüsü Seymur Cəfərovun 200 manatını ələ keçiriblər.
Fevralın 19-da isə Abşeron rayon Polis Şöbəsi əməkdaşlarının keçirdiyi əməliyyat-axtarış tədbirləri nəticəsində hər iki şəxs saxlanılıb.
Məqalə müəllifi ilə əlaqə ünvanı: [email protected]