Azərbaycan, Bakı, 7 dekabr /Trend, müxbir K.Zərbalıyeva/
Bakı polisi avtomobillərdən oğurluq edən şəxsləri yaxalayıb.
Bakı şəhər Baş Polis İdarəsinin mətbuat xidmətinin çərşənbə axşamı yaydığı məlumata görə, Səbail rayon Polis İdarəsinin 8-ci polis bölməsinin əməkdaşlarının keçirdiyi əməliyyat tədbirləri nəticəsində oğurluq edənlər - Həmid İsgəndərov və əvvəllər məhkum olunmuş Cəlal Ağayev saxlanılıb.
Məlum olub ki, onlar bu ilin sentyabr, oktyabr, noyabr və dekabr aylarında Badamdar qəsəbə sakini Emin Əmirxanov, Fərrux Abbasov, Sənan İbrahimov, Abdulla Abdullah, Aslan Aqraxova məxsus "VAZ-2107" markalı, Pünhan Şükürov, Nuru Quliyevə məxsus "VAZ-2106" və Azər Hüseynova məxsus "VAZ-21013" markalı avtomobillərdən müxtəlif üsullarla səsgücləndirici, maqnitafon, akkumlyator, təkər, qaldırıcı qurğular və digər əşyalar oğurlayıblar.
Faktla bağlı cinayət işi başlanılıb, istintaq aparılır.