Azərbaycan, Bakı, 2 noyabr /Trend, müxbir X.Murtuzayeva/
Çərşənbə günü Londonun Ali Məhkəməsi "WikiLeaks" saytının yaradıcısı Culian Assanjın şikayət ərizəsini rədd edərək bundan əvvəl onun İsveçə ekstradisiyası barədə çıxardığı hökmü təsdiqləyib. Trend-in məlumatına görə, bu barədə RİA Novosti xəbər verir.
Assanj məhkəmədə 2010-cu ilin dekabrından, yəni könüllü şəkildə polisə təslim olaraq həbs olunmasından sonra ekstradisiyasına qarşı mübarizə aparır. İsveç prokurorluğu onu zorlama da daxil olmaqla, bir sıra seksual xarakterli cinayətlərlə bağlı iş üzrə dindirmək niyyətindədir.