Azərbaycan, Bakı, 2 noyabr /Trend, müxbir İ.İsabalayeva/
Göygöl rayonunda doğuş zamanı ana ölüb.
Trend-in məlumatına görə, Göygöl rayon Mərkəzi Xəstəxanasında 25 yaşlı Nərmin Qocayeva doğuş zamanı dünyasını dəyişib. İlkin ehtimallara görə, o, qanaxmadan ölüb. Qocayeva həmin xəstəxananın həkim-ginekoloqu Solmaz Quliyevanın nəzarətində olub.
Məsələ ilə bağlı Səhiyyə Nazirliyindən Trend-ə bildirilib ki, baş vermiş bu hadisə nazirliyin nəzarəti altındadır. Səhiyyə Nazirliyinin Doğuşayardım Komissiyası hadisə ilə bağlı araşdırma aparacaq. Bu araşdırmalar nəticəsində ana ölümünün dəqiq səbəbi müəyyən ediləcək.