Azərbaycan, Bakı, 22 yanvar /Trend/
2012-ci ildə dünyada işsizlərin sayı 4 milyon nəfər artıb. Hazırda onların sayı 197 milyondur. Trend-in məlumatına görə, bu barədə BMT-nin Beynəlxalq Əmək Təşkilatının çərşənbə axşamı dərc olunmuş məruzəsində deyilir.
Təşkilat bu göstəricilərin artacağı barədə xəbərdarlıq edib.
Proqnozlara görə, 2013-cü ildə daha beş milyondan artıq, 2014-cü ildə isə üç milyon adam işsiz qalacaq.
Məruzə müəlliflərinin məlumatına görə, dünya əhalisinin ən zəif hissəsi yaşı 24-dən az olan gənclərdir. Onların 13 faizi iş tapa bilmir.