...

AMEA Avropada təhsillərini davam etdirməsinə yardım məqsədilə istedadlı gənclərin siyahısını hazırlayacaq

Cəmiyyət Materials 14 Mart 2013 16:21 (UTC +04:00)
Azərbaycan Milli Elmlər Akademiyası (AMEA) Avropada təhsilllərini davam etdirmələrinə yardım göstərmək məqsədilə istedadlı gənclərin siyahısını hazırlayacaq. Trend-in məlumatına görə, bunu Azərbaycan Milli Elmlər Akademiyasının (AMEA) Gənc Alimlər şuralarının sədrləri ilə görüşündə AMEA-nın prezident əvəzi Akif Əlizadə deyib.
AMEA Avropada təhsillərini davam etdirməsinə yardım məqsədilə istedadlı gənclərin siyahısını hazırlayacaq

Trend-i buradan izləyin

Azərbaycan, Bakı, 14 mart /Trend, müxbir İ.İsabalayeva/

Azərbaycan Milli Elmlər Akademiyası (AMEA) Avropada təhsilllərini davam etdirmələrinə yardım göstərmək məqsədilə istedadlı gənclərin siyahısını hazırlayacaq. Trend-in məlumatına görə, bunu Azərbaycan Milli Elmlər Akademiyasının (AMEA) Gənc Alimlər şuralarının sədrləri ilə görüşündə AMEA-nın prezident əvəzi Akif Əlizadə deyib.

Onun sözlərinə görə, bəzən elmlər namizədləri münasib avadanlıqlar olmadığından öz elmi işlərini davam etdirməkdə çətinlik çəkirlər. Buna görə də hələ 2008-ci ildə elmlər namizədi olan şəxslərin doktorluq dissertasiyalarının Avropada hazırlanmasını təklif edilib. Bu təşəbbüs qəbul edildiyi üçün bir neçə gənc alim doktorluq dissertasiyası hazırlamaq məqsədilə Avropaya göndərildi. Onların 6-7 nəfəri artıq doktorluq işinin müdafiəsi ərəfəsindədir.

Əlizadə bildirib ki, lakin sonradan bu məsələ davam etdirilmədi.

O qeyd edib ki, AMEA-da bu iş yenidən davam etdiriləcək. Bunun üçün dövlət tərəfindən lazımi məbləğdə maliyyə vəsaiti ayrılacaq.

Məqalədə:
Xəbər lenti

Xəbər lenti