Azərbaycan, Bakı, 1 aprel /Trend, müxbir E.İsmayılov/
Bakıda mərkəzində təmir işləri aparılan küçədə avtomobillərin hərəkəti bərpa olunub.
Nəqliyyatın İntellektual İdarəetmə Mərkəzindən Trend-ə daxil olan məlumata görə, Məhəmməd Füzuli küçəsinin Bül-Bül prospektindən Səməd Vurğun küçəsi ilə kəsişməsinə qədər olan hissəsində təmir işləri başa çatdırıldığından yolda nəqliyyat vasitələrinin hərəkəti bərpa olunub.
Məlumata görə, bu gün, həmçinin təmir-tikinti işləri ilə əlaqədar Bakının mərkəzi küçəsində yol bağlanıb.
Belə ki, Şəmsi Bədəlbəyli küçəsində təmir-tikinti işləri ilə əlaqədar olaraq yol bağlanıb.
Füzuli küçəsinin S.Vurğun küçəsi ilə kəsişməsindən Bülbül prospektinə kimi olan hissəsi nəqliyyat vasitələrinin hərəkəti üçün iki istiqamətli edilib.
Təmir-tikinti işləri ilə əlaqədar olaraq həmçinin Səməd Vurğun küçəsinin Füzuli küçəsi ilə kəsişməsindən Mirzağa Əliyev küçəsi ilə kəsişməsinə qədər olan hissəsində yol bağlıdır.