Azərbaycan, Bakı, 12 iyul /Trend, müxbir İ.İsabalayeva/
Azərbaycanda ali təhsil müəssisələrinin magistraturalarına qəbul olan bakalavrların indiyədək 83 faizi daxil olduqları məktəblərdə qeydiyyatdan keçiblər. Trend-in məlumatına görə, bunu bu gün keçirdiyi mətbuat konfransında Tələbə Qəbulu üzrə Dövlət Komissiyasının sədrinin müavini Namiq Babayev deyib.
Onun sözlərinə görə, ali təhsil müəssisələrinin magistraturasına qəbul olanların ali təhsil müəssisəsində qeydiyyatı bu gün saat 17.00-dək davam edəcək.
Bakalavrlar həmin müddətədək qeydiyyatdan keçməlidirlər. Bakalavrların həmin müddətdə qeydiyyatdan keçməməsi onun müvafiq ixtisasa yerləşdirməkdən imtina edilməsi kimi qiymətləndiriləcək və o, qəbul olanların siyahısından xaric ediləcək.