...

Mətbuat Şurası: Bakıda keçirilmiş icazəli mitinqdə jurnalistlərin peşə vəzifələrini yerinə yetirmələrinə qarşı hər hansı maneə qeydə alınmayıb

Cəmiyyət Materials 18 Avqust 2013 20:01
Azərbaycan Mətuat Şurasının monitorinq qrupu avqustun 18-də Səbail rayonu, 20-ci yaşayış sahəsi, Elçin Əzizov küçəsində yerləşən sürücülük məktəbinin həyətindəki meydançada keçirilmiş icazəli mitinqdə jurnalistlərin peşə vəzifələrini yerinə yetirmələrinə qarşı hər hansı maneə qeydə almayıb.
Mətbuat Şurası: Bakıda keçirilmiş icazəli mitinqdə jurnalistlərin peşə vəzifələrini yerinə yetirmələrinə qarşı hər hansı maneə qeydə alınmayıb

Trend-i buradan izləyin

Azərbaycan, Bakı, 18 avqust /Trend, müxbir E.Mehdiyev/

Azərbaycan Mətuat Şurasının monitorinq qrupu avqustun 18-də Səbail rayonu, 20-ci yaşayış sahəsi, Elçin Əzizov küçəsində yerləşən sürücülük məktəbinin həyətindəki meydançada keçirilmiş icazəli mitinqdə jurnalistlərin peşə vəzifələrini yerinə yetirmələrinə qarşı hər hansı maneə qeydə almayıb. Bu barədə Trend-ə MŞ-dan daxil olan məlumatda qeyd edilib.

Məlumata görə, Şuranın Daxili İşlər Nazirliyi ilə birgə yaradılmış və MŞ-nin icraçı katibi Rəhim Hüseynzadənin rəhbərlik etdiyi monitorinq qrupunun üzvlərinə, həmçinin qurumun Mətuatla dövlət qurumları arasında problemlərin həlli Daimi Komissiyasının təmsilçilərinə bununla bağlı hər hansı müraciət edilməyib.

MŞ-nin mitinq müddətində "qaynar xətt" rejimində fəaliyyət göstərən (012) 441 35 96 telefon nömrəsinə də prosesi işıqlandıran kütləvi informasiya vasitələrinin nümayəndələrindən məlumat daxil olmayıb.

Mətbuat Şurasının monitorinq qrupu icazəli aksiyada peşə vəzifəsini yerinə yetirmiş jurnalistlərin əsasən üzərində "PRESS" yazılmış xüsusi gödəkçələrdə olduqlarını qeydə alıb.

Məqalədə:
Xəbər lenti

Xəbər lenti