Azərbaycan, Bakı, 9 sentyabr /Trend, müxbir İ.İsabalayeva/
Sentyabrın 10-dan Azərbaycan ərazisində havanın temperaturu 7 dərəcəyədək enəcək.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan Trend-ə verilən məlumata görə, sentyabrın 10-dan 13-dək respublika ərazisində hava şəraitinin qeyri-sabit keçəcəyi, şimşək çaxacağı, arabir yağış yağacağı gözlənilir.
Sentyabrın 10-da həm Bakıda, həm də bölgələrdə şimal-qərb küləyi arabir güclü olacaq.
Temperatur 4-7 dərəcə aşağı enəcək.