Azərbaycan, Bakı, 22 mart /Trend, müxbir Ənvər Məmmədov/
2015-cü ilin yanvar-fevral aylarında Azərbaycanda 1007,5 milyon manat dəyərində tikinti işləri aparılıb. İnşaat işlərinin həcmi ötən ilin analoji dövrü ilə müqayisədə 3,5 faiz artıb.
Trend-in məlumatına görə, bu barədə Dövlət Statistika Komitəsinin hesabatında deyilir.
Görülmüş tikinti işlərinin ümumi həcmindən 63,1 faizi yeni tikinti, yenidənqurma və genişləndirmə, 18,2 faizi əsaslı təmir, 6,faizi cari təmir, 12,7 faizi isə digər inşaat işlərinin payına düşüb.
|
İstifadəyə verilib |
Yanvar-fevral, 2015-ci il |
Əvvəlki ilin müvafiq dövrünə nisbətən |
|
Yaşayış evləri, ümumi sahə, min kv.m |
262,9 |
118,0 |
|
Poliklinikalar, ambulator müəssisələr |
90 |
- |
|
Məktəbəqədər təhsil müəssisələri, yer |
150 |
55,6 |
|
Əsas kapitala yönəldilmiş vəsaitlər, milyon manat |
1697,5 |
100,5 |
|
O cümlədən
- məhsul istehsalı obyektlərinin tikintisi |
1282,3 |
137,3 |
|
- xidmət sahələri üzrə obyektlərin tikintisi |
415,2 |
84,0 |
|
Ümumi vəsaitdən tikinti-quraşdırma işlərində istifadə edilmişdir-cəmi |
1247,0 |
113,6 |
Dövlət Statistika Komitəsinin məlumatına görə, fevralda 141,7 min kvadratmetr mənzil istifadəyə verilib. Yanvarda bu rəqəm 102,4 min kvadratmetr olub. 2015-cü ildə hələlik 262,9 min kv.m mənzil istifadəyə verilib ki, bu da ötən ildəkindən 18 faiz çoxdur.
2015-cü ilin yanvar ayının yekunları üzrə Azərbaycanın inşaat bölməsinə 96,9 min nəfər cəlb edilib. Tikinti sektorunda nominal əməkhaqqı 655,7 manat təşkil edib ki, bu da 2014-ci ilin müvafiq dövrünə nisbətən 7,5 faiz çoxdur. Belə ki, dövlət şirkətlərində orta aylıq əməkhaqqı 481,6 manat (il ərzində 5,4 faiz azalma), özəl şirkətlərdə isə 720,6 manat (9,8 faiz artım) təşkil edib.
Binaların tikintisi sahəsində əməkhaqqı ötən ilin müvafiq dövrü ilə müqayisədə bu ilin yanvar ayı ərzində 3,7 faiz azalaraq orta hesabla 526,1 manat, ixtisaslaşdırılmış tikinti işlərində 28,3 faiz artaraq 1175,1 manat, mülki təyinatlı tikinti işlərində isə 7,1 faiz artaraq 477,8 manat olub.