...

Korrupsiyaya qarşı mübarizəyə dair Milli Fəaliyyət Planı 76 faiz icra edilib

Cəmiyyət Materials 22 İyul 2015 11:28 (UTC +04:00)
"Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı"nın (MFP) 76 faizi tam icra edilib. Digərləri isə ya qismən icra edilib, ya da heç edilməyib.
Korrupsiyaya qarşı mübarizəyə dair Milli Fəaliyyət Planı 76 faiz icra edilib

Azərbaycan, Bakı, 22 iyul /Trend/

"Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı"nın (MFP) 76 faizi tam icra edilib. Digərləri isə ya qismən icra edilib, ya da heç edilməyib.

Trend-in məlumatına görə, bunu bu gün I yarımil ərzində korrupsiyaya qarşı mübarizə sahəsində görülmüş işlərlə bağlı kütləvi informasiya vasitələri və qeyri-hökümət təşkilatları nümayəndələrinin iştirakı ilə bağlı keçirilən mətbuat konfransında Korrupsiyaya qarşı Mübarizə Üzrə Komissiyanın katibi Vüsal Hüseynov deyib.

O qeyd edib ki, əsasən informasiya azadlığının təmin edilməsi istiqamətində böyük işlər görülüb: "Dövlət orqanları tərəfindən 90 faiz saytlar təkmilləşdirilib, məlumatlar mütəmadi yenilənib. Dövlət xidmətlərinin göstərilməsi istiqamətində də uğurlar əldə edilib. Xüsusən "ASAN xidmət" mərkəzləri bu baxımdan fərqlənib. MFP-nin 76 faiz icra edilməsi yüksək göstəricidir".

V.Hüseynov bildirib ki, bəzi sahələrdə ləngimələr var: "Məsələn, "Korrupsiya halları barədə məlumat verən şəxslərin müdafiəsi haqqında" Qanunun qəbul edilməsidir. Lakin qanun layihəsi artıq hazırlanıb və ictimai müzakirələrdən keçib. Artıq layihə baxılması üçün Nazirlər Kabinetinə təqdim edilib. MFP-nin icra edilməyən bir hissəsi də " İctimai iştirakçılıq haqqında" Qanunun tələbinə uyğun olaraq dövlət qurumlarında İctimai Şuraların yaradılmasıdır. Bəzi dövlət orqanlarında belə Şuralar yaradılsa da, ümumən tam icra edilməyib".

Məqalədə:
Xəbər lenti

Xəbər lenti