Bakı. Trend:
Bakı Dövlət Universitetinin Filologiya fakültəsinin Azərbaycan şifahi xalq ədəbiyyatı kafedrasının təşkilatçılığı ilə keçirilən "Kitabi-Dədə Qorqud"un tərcüməsi və nəşrinin 200 illiyinə həsr olunmuş "Kitabi-Dədə Qorqud" və Türk dünyası" mövzusunda beynəlxalq elmi konfransın materiallar toplusu çapdan çıxıb.
Universitetin Mətbuat və informasiya şöbəsindən Trend-ə verilən məlumata görə, topluda respublikanın, həmçinin Türkiyə, Qırğızıstan, Qazaxıstan, Türkmənistan, Özbəkistan və Rusiyanın alim və tədqiqatçılarının elmi məqalələri nəşr olunub.
Topluda verilən 180 məqalə, əsasən, "Kitabi-Dədə Qorqud" abidəsi və "Qorqudşünaslıq" mövzularını əhatə edir.