Bakı. Trend:
Amerika gimnastları və məşqçiləri bədii gimnastika üzrə Dünya Kubokunun təşkilindən çox məmnundurlar.
Bunu Trend-ə amerikalı gimnast Laura Zenq bildirib.
Onun sözlərinə görə, Bakıda çıxış etmək çox xoşuna gəlib: "Mən ilk dəfədir ki Bakıdayam. Lakin həm şəhər, həm də burada çıxış etmək çox xoşuma gəlir".
Qeyd edək ki, bu il bədii gimnastika üzrə FIG Dünya Kubokunun finalı 22-24 iyul tarixlərində Azərbaycanın paytaxtında keçirilir. Yarışların ilk iki günündə çoxnövçülükdə 17 ölkənin gimnastı medallar uğrunda mübarizə aparır. Dünya Kubokunun son günündə ayrı-ayrı növlər üzrə finallar keçiriləcək.