Bakı. Samir Əli - Trend:
Azərbaycanda heç kim xaricdən dini cərəyanları gətirib təbliğ edə bilməz. Trend-in məlumatına görə, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.
Onun sözlərinə görə, Azərbaycanda bu sahə ciddi nəzarətdədir və ölkədə dini mühiti heç kim poza bilməz: "Heç kim hansısa dini cərəyanları xarici qüvvələr vasitəsilə ölkəyə gətirib və burada qarışıqlıq yarada bilməz. Azərbaycanda dinin inkişafı üçün lazımi şərait yaradılıb və bu şərait də dindarların dinlə sağlam şəkildə məşğul olmasına imkan verir".