...

Ölkədə kəskin respirator virus infeksiyalarına yoluxma səviyyəsi ilə bağlı SON DURUM

Cəmiyyət Materials 6 Dekabr 2017 22:03 (UTC +04:00)
Ötən ilin müvafiq dövrü ilə müqayisədə bu ilin yanvar-noyabr ayları ərzində Azərbaycanda kəskin respirator virus infeksiyalarına yoluxma səviyyəsi 10,5 faiz azalıb.
Ölkədə kəskin respirator virus infeksiyalarına yoluxma səviyyəsi ilə bağlı SON DURUM

Bakı. İlhamə İsabalayeva - Trend:

Ötən ilin müvafiq dövrü ilə müqayisədə bu ilin yanvar-noyabr ayları ərzində Azərbaycanda kəskin respirator virus infeksiyalarına yoluxma səviyyəsi 10,5 faiz azalıb.

Bunu Trend-ə Səhiyyə Nazirliyi Respublika Gigiyena və Epidemiologiya Mərkəzinin (RGEM) direktor müavini Afaq Əliyeva deyib.

Onun sözlərinə görə, indiyədək 65 xəstədən laborator analizlər üçün müayinə materialı götürülüb. Laborator müayinələr zamanı Azərbaycanda qripə yoluxma faktının olduğu təsdiqlənməyib.

A.Əliyeva qeyd edib ki, RGEM tərəfindən bütün tibb müəssisələrinə laborator müayinələr üçün yaxmaların götürülməsi məqsədilə kifayət qədər ləvazimatlar paylanılıb.

Qeyd edək ki, Rusiya saytlarının yazdığı məlumata görə, bu ölkədə B tipli ölümcül qrip növü - yamaqat qripi yayılıb. Tibb ekspertlərinin fikrincə, yamaqat qripinin simptomları adi qrip kimidir. Risk qrupuna yaşlı insanlar və xroniki xəstəliklər keçirən şəxslər daxildir ki, onlarda da bu qrip ölümcül ola bilər.

Məqalədə:
Xəbər lenti

Xəbər lenti