...

Azərbaycan məhsulları Berlində keçirilən meyvə-tərəvəz sərgisinə çıxarılıb (FOTO)

Cəmiyyət Materials 10 Fevral 2018 00:01 (UTC +04:00)
“AS Group Investment” şirkətlər qrupuna aid “AS Aqro Co” şirkəti 7-9 fevral tarixlərində Almaniyanın paytaxtında keçirilən "Fruit Logistica" meyvə-tərəvəz sərgisində iştirak edir.
Azərbaycan məhsulları Berlində keçirilən meyvə-tərəvəz sərgisinə çıxarılıb (FOTO)

Bakı. Trend:

“AS Group Investment” şirkətlər qrupuna aid “AS Aqro Co” şirkəti 7-9 fevral tarixlərində Almaniyanın paytaxtında keçirilən "Fruit Logistica" meyvə-tərəvəz sərgisində iştirak edib. Şirkət Hövsanda yerləşən “Abşeron Aqro Parkı”nın məhsulları ilə təmsil olunub.

İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun təşkilatçılığı ilə 9 ixracatçı Azərbaycan şirkətinin istehsal etdiyi meyvə-tərəvəz məhsulları vahid ölkə stendi ilə bu beynəlxalq sərgidə ziyarətçilərə təqdim edilib. Berlin sərgisində dünyanın 84 ölkəsindən 3200-ə yaxın şirkət iştirak edib.

"Abşeron Aqro Park" meyvə və tərəvəz istehsalı, çeşidlənməsi, qablaşdırılması, saxlanması və logistikası zəncirini həyata keçirən bir layihədir. Hövsanda hazırda pomidor və çiyələk isthsal olunur və bu məhsulların yerli bazara ünvanlanmaqla yanaşı, həmçinin MDB ölkələrinə, Fars körfəzi ölkələrinə və Avropaya ixracı nəzərdə tutulub. "Abşeron Aqro Park"ın tam fəaliyyəti zamanı 3500 nəfərədək şəxs işlə təmin ediləcək.

Məqalədə:
Xəbər lenti

Xəbər lenti