...

Bu il ƏƏSMN 60 minə yaxın müraciəti cavablandırıb

Cəmiyyət Materials 8 Aprel 2019 16:48 (UTC +04:00)
7 266 vətəndaş fərdi qaydada qəbul edilib
Bu il ƏƏSMN 60 minə yaxın müraciəti cavablandırıb

Trend-i buradan izləyin

Bakı. Trend:

2019-cu ilin birinci rübü ərzində Əmək və Əhalinin Sosial Müdafiəsi Nazirliyi (ƏƏSMN) tərəfindən 58 988 vətəndaş müraciəti cavablandırılıb.

ƏƏSMN-dən Trend-ə verilən məlumata görə, müraciətlərin 28 262-si məktub, ərizə ilə, e-qaydada, 27 378-i 142 “Çağrı mərkəzi” vasitəsilə, 1180-i iş telefonlarına, 2168-i sosial şəbəkələr (facebook, instagram səhifələri) ilə edilib.

Nazirliyin rəhbər vəzifəli şəxsləri və əməkdaşları tərəfindən fərdi qaydada qəbul edilən vətəndaşların sayı isə 7 266 nəfər olub. Onlardan 200 nəfəri (o cümlədən bölgələrdə qəbullar zamanı 85 nəfər) nazir tərəfindən qəbul edilib.

Vətəndaşların nazirliyə etdikləri, həmçinin fərdi qəbullar zamanı müraciətlər bu və ya digər sosial təminat növünə hüququn müəyyən olunması, əmək hüquqları, tibbi-sosial ekspertiza və reabilitasiya, elektron xidmətlərdən istifadə, aktiv məşğulluq tədbirlərinə, o cümlədən özünüməşğulluq proqramına cəlb olunma və s. kimi aidiyyəti məsələlərlə bağlı olub.

Hər bir müraciətin qanunvericiliyin tələbləri əsasında cavablandırılması, sorğu xarakterli müraciətlərlə əlaqədar aydın şəkildə izahatlar verilməsi təmin edilib.

Məqalədə:
Xəbər lenti

Xəbər lenti