Bakı. İlhamə İsabalayeva - Trend:
Koreya Respublikası 2020-2021-ci tədris ili üzrə təqaüd proqramı elan edir.
Təhsil Nazirliyindən Trend-ə verilən məlumata görə, təqaüd proqramı bakalavriat, magistratura və doktorantura səviyyələri üzrə elan olunub. Proqramda iştirak etmək istəyənlər üçün son müraciət tarixi 13 mart 2020-ci il nəzərdə tutulub.
Proqramda iştirak etmək istəyənlər üçün yaş həddi qoyulub. Belə ki, proqramda təvəllüdü 1 sentyabr 1980-ci ildən sonra olanlar iştirak edə bilərlər.
Proqram çərçivəsində 6 nəfər Koreyada təhsil alacaq.