...

ADA Məktəbində "Məzun günü" keçirilib (FOTO)

Cəmiyyət Materials 9 İyul 2021 14:10 (UTC +04:00)
ADA Məktəbində "Məzun günü" keçirilib (FOTO)

Bakı. Trend:

İyulun 2-si ADA Məktəbində "Məzun günü" keçirilib. Məktəbdə 2020-2021-ci akademik il üzrə təhsil alan 190 şagird məzun adını qazanıb.

Pandemiya ilə əlaqədar tədbirdə yalnız Məktəbin pedaqoji kollektivi və şagirdlər iştirak ediblər.

Tədbir Azərbaycan Respublikasının dövlət himninin səsləndirilməsi ilə başlayıb.

Sonra, ərazi bütövlüyümüz uğrunda canından keçən şəhidlərimizin ruhu bir dəqiqəlik sükutla yad edilib.

ADA Universitetinin rektoru, səfir Hafiz Paşayev çıxışında məzunları və onların müəllimlərini təbrik edib.

"ADA Məkətinin əsas məqsədi ali təhsil həyatına daha hazırlıqlı şagird-tələbələr yetişdirməkdir. Bu baxımdan, ADA şagirdləri gözləntiləri, onlara olan etimad və inamı doğrultdu", - deyə rektor Paşayev bildirib.

ADA Universitetinin Akademik işlər üzrə prorektoru Vəfa Kazdal qeyd edib:

"ADA Məktəbinin unikallığı ondadır ki, burada etibara, əməkdaşlığa, qarşılıqlı hörmət və dəyərə əsaslanan təlim-tədris sistemi mövcuddur. Belə bir sağlam şagird-müəllim münasibəti və məktəb mühiti akademik inkişaf və şəxsiyyət formalaşdırmaq üçün geniş imkan yaradır".

ADA Məktəbinin şagirdi Leyla Sarac məzunlar adından çıxış edərək ADA ailəsinə minnətdarlığını bildirib.

Tədbirdə şagirdlər fərqli janrlarda musiqi ifaları səsləndirib, əyləncəli rəqslərlə çıxış ediblər.

“Məzun günü”nün sonunda sülh rəmzi olan göyərçinlər səmaya buraxılıb. Tədbir mantiya geyinmiş məzunların ənənəvi “papaq atma” mərasimi ilə yekunlaşıb.

Məqalədə:
Xəbər lenti

Xəbər lenti