...

Xaricdə təhsil alanların işlə təmin edilməsi üçün hansı addımlar atılır? - Nazirlikdən AÇIQLAMA

Cəmiyyət Materials 15 İyul 2021 10:42 (UTC +04:00)
Xaricdə təhsil alanların işlə təmin edilməsi üçün hansı addımlar atılır? - Nazirlikdən AÇIQLAMA

Bakı. Çingiz Səfərli - Trend:

Xaricdə dövlət hesabına təhsil almış şəxslər ilk növbədə dövlət qulluğuna birbaşa test imtahanı verməklə qəbul edilirlər. Yəni, onlar müsahibə mərhələsində iştirak etmirlər.

Bu barədə Trend-in sorğusuna cavab olaraq Təhsil Nazirliyindən məlumat verilib. Məlumatda bildirilib ki, həmçinin “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində doktorantlar təqaüd almaqla üçtərəfli müqavilə imzalayır və əmək müqaviləsi bağlamağa razılıq vermiş Azərbaycan Respublikasının ali təhsil müəssisələrində pedaqoji fəaliyyət göstərmək öhdəliyi daşıyırlar.

Bundan əlavə, mütəmadi olaraq işsiz olan Dövlət Proqramı məzunlarının statistikası Təhsil Nazirliyinin müvafiq şöbəsində qeydiyyata alınır. Dövlət qurumları və özəl sektorların müraciətlərinə əsasən, vakansiyalara uyğun olaraq müvafiq ixtisas bitirmiş məzunların məlumatları qarşı tərəfə təqdim olunur. Həmçinin, məzunların müraciətlərinə əsasən, işləmək arzusunda olduqları qurumlara nazirlik tərəfindən dəstək məktubları təqdim olunur.

Xəbər lenti

Xəbər lenti