...

Son 4 ildə özünüməşğulluq proqramı üzrə 36 min şəxs üçün kiçik təsərrüfatlar yaradılıb

Cəmiyyət Materials 6 Dekabr 2021 18:10 (UTC +04:00)
Son 4 ildə özünüməşğulluq proqramı üzrə 36 min şəxs üçün kiçik təsərrüfatlar yaradılıb

Bakı. Fərid Zöhrabov - Trend:

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin icra etdiyi özünüməşğulluq proqramı çərçivəsində 2018-2021-ci illərdə 36 min şəxsə aktivlər verilməklə onlar üçün kiçik təsərrüfatlar yaradılıb.

Nazirlikdən Trend-ə verilən məlumata görə, öz kiçik biznes sahələrini qurmaq üçün proqrama cəlb olunanların sayı ildən-ilə dəfələrlə genişlənib.

Bunun göstəricisi kimi, özünüməşğulluq proqramına 2021-ci ildə 16 min şəxsin cəlb edilməsi nəzərdə tutulub ki, bu da proqramın icrasına başlandığı 2017-ci il ilə müqayisədə 15 dəfə çoxdur.
Proqramın icrası zamanı aztəminatlı ailələrə, şəhid ailələri və müharibə iştirakçılarına, əlilliyi olan şəxslərə, sağlamlıq imkanları məhdud 18 yaşınadək uşaqlara və digər həssas qruplara üstünlük verilir.

Son illərdə özünüməşğulluq proqramının əhatə etdiyi kənd təsərrüfatı və istehsal-xidmət yönümlü iqtisadi fəaliyyət növləri sırası da genişləndirilərək 44-ə çatdırlıb.

Məqalədə:
Xəbər lenti

Xəbər lenti