...

“Zəfər” altsisteminə 200 minədək şəxsə dair məlumatlar daxil edilib

Cəmiyyət Materials 7 İyun 2022 17:56 (UTC +04:00)
“Zəfər” altsisteminə 200 minədək şəxsə dair məlumatlar daxil edilib
Humay Ağacanova
Humay Ağacanova
Bütün xəbərlər

Bakı. Trend:

“Zəfər” altsisteminə aidiyyəti qurumlar tərəfindən şəhid və şəhid ailəsi, müharibə veteranı statusu almış şəxslərə, müharibə əlillərinə dair məlumatlar daxil edilir.

Əmək və Əhalinin Sosial Müdafiə Nazirliyindən Trend-ə verilən məlumata görə, bu altsistemə artıq 200 minədək şəxsə dair məlumatlar daxil edilib.

“Zəfər” altsistemi dövlət orqanlarına və özəl qurumlara şəhid ailələri və qazilərə sosial dəstəyin təmin edilməsi işlərində daha operativ, sistemli, məqsədəuyğun tədbirlərin görülməsi üçün çevik məlumat mübadiləsi imkanı yaradıb.

Bu il müharibə veteranlarına Prezidentin aylıq təqaüdünün operativ şəkildə təyinatı prosesində də "Zəfər" altsistemi önəmli rol oynayıb.

44 günlük Vətən müharibəsinin iştirakçısı olan və aidiyyəti qurumlar tərəfindən "Müharibə veteranı" adı verilmiş şəxslərə dair məlumatlar həmin altsistemə daxil edildi və onlara e-sistem üzərindən proaktiv qaydada təqaüd təyinatları aparılıb.

Məqalədə:
Xəbər lenti

Xəbər lenti