Bakı. Trend:
Əvvəlki dövrdən fərqli olaraq, yeni qaydalara əsasən, əlillik bir il, iki il, beş il və müddətsiz təyin olunur.
Trend-in məlumatına görə, bunu Dövlət Tibbi-Sosial Ekspertiza və Reabilitasiya Agentliyinin sədr müavini Mətanət Məmmədova "Sosial saat"da deyib.
O qeyd edib ki, əlillik müddəti xəstəliyin xüsusiyyətlərindən asılı olaraq, orqanizmin funksiyasının pozulmasının faizini nəzərə alaraq təyin olunur. “Yəni xəstəliyin xüsusiyyətlərinin hər biri nəzərə alınaraq əlillik müddətləri tətbiq olunur”, - deyə o qeyd edib.
Qeyd edək ki, “Əlilliyi olan şəxslərin hüquqları haqqında” qanuna dəyişikliklər edilib. Dəyişikliklərin 2022-ci il iyulun 1-dən qüvvəyə minib. Yeni qaydalara əsasən, əlillik orqanizmin funksiyasının itirmə dərəcəsinə görə, yəni faizlə müəyyən edilir. Orqanizmin funksiyasının 30-60 faiz itirilməsi III qrup, 60-80 faiz itirilməsi II qrup, 80-100 faiz itirilməsi isə I qrup hesab olunur.