Bakı. Trend:
İdman yarışlarının qaliblərinə vergi güzəştləri tətbiq ediləcək.
Trend-in xəbərinə görə, bununla bağlı Vergi Məcəlləsinə
dəyişiklik layihəsi Milli Məclisin bu gün keçirilən iclasında
müzakirəyə çıxarılıb.
Dəyişikliyə əsasən, beynəlxalq, ölkələrarası idman yarışları ilə
bağlı həmin yarışların təşkilatçıları tərəfindən verilən
mükafatların tam dəyərinin, habelə ölkədaxili idman yarışları ilə
bağlı respublika idman federasiyaları və idman klubları tərəfindən
pul şəklində verilən mükafatların dəyərinin 50 min manata qədər
hissəsi gəlir vergisindən azad ediləcək.
Müzakirələrdən sonra dəyişiklik layihəsi səsverməyə çıxarılaraq I oxunuşda qəbul edilib.