Bakı. Trend:
Daxili İşlər Nazirliyi (DİN) sosial şəbəkələrdə yayılan görüntülərə münasibət bildirib.
Trend xəbər verir ki, bu barədə DİN-in Mətbuat Xidmətindən polis polkovnik-leytenantı Elşad Hacıyev feybukda status yazıb.
"Polis orqanına hansısa əməldə təqsirli bilinən şəxs gətirilir və əlində telefonla olan fotosunu çəkirlər? Özfəaliyyətdir. Qəbuledilməz haldır. Kimliyindən asılı olmayaraq heç bir vətəndaş qeyri-insani rəftara məruz qala bilməz. Fotoşəkil kiminsə TikTokda "jeton" toplamaq niyəti ilə çəkilib", - deyə DİN-in mətbuat xidmətinin şöbə rəisi Elşad Hacıyev bildirib.
Xatırladaq ki, sosial şəbəkələrdə polisin ünvanına təhqiramiz ifadələr səsləndirən şəxsin görüntüləri yayılıb. Görüntülərdə həmin şəxs saçı kəsilmiş halda əks olunub.