Bakı. Trend:
Türkiyədə zəlzələ baş verən bölgələrdəki universitetlərdə təhsil dayandırılıb.
Trend-in məlumatına görə, bu barədə bu gün Türkiyənin vitse-prezidenti Fuat Oktay deyib.
Onun sözlərinə görə, təhsil dayandırılan universitetlərin binaları sığınacaq olaraq istifadə ediləcək.
F.Oktay bildirib ki, hazırda zəlzələ olan ərazidə 9 698 şəxs axtarış-xilasetmə işləri aparır.
Xatırladaq ki, bu gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
Son məlumatlara görə, zəlzələ nəticəsində 1 541 nəfər həyatını itirib, 9 733 nəfər yaralanıb.