Bakı. Trend:
Dövlət İmtahan Mərkəzi tərəfindən ümumi və tam orta təhsil səviyyəsi üzrə 2024-cü ildə keçiriləcək buraxılış imtahanlarının tarixləri aşağıdakı cədvəldə təqdim olunur. İmtahan qrafiki Elm və Təhsil Nazirliyi ilə razılaşdırılıb. İmtahan iştirakçılarının nəzərinə çatdırırıq ki, ümumi (9 illik) və tam (11 illik) orta təhsil səviyyəsi üzrə buraxılış imtahanı proqramları tədris ilinin əvvəlində – sentyabr ayında ictimaiyyətə təqdim olunub və Mərkəzin saytına yerləşdirilib.
DİM-dən Trend-ə verilən məlumata görə, buraxılış imtahanı proqramları yaxın vaxtlarda “Abituriyent” jurnalının xüsusi buraxılışlarında da dərc olunacaq.
| İmtahanın adı |
Tarix |
|
| 1. | Tam (11 illik) orta təhsil səviyyəsi üzrə buraxılış imtahanı –
I zona, Peşə liseylərinin buraxılış imtahanı |
3 mart |
| 2. | Tam (11 illik) orta təhsil səviyyəsi üzrə buraxılış imtahanı –
II zona, Peşə liseylərinin buraxılış imtahanı |
10 mart |
| 3. | Ümumi (9 illik) orta təhsil səviyyəsi üzrə buraxılış imtahanı – I zona | 17 mart |
| 4. | Ümumi (9 illik) orta təhsil səviyyəsi üzrə buraxılış imtahanı – II zona | 7 aprel |
| 5. | Ümumi (9 illik) orta təhsil səviyyəsi üzrə buraxılış imtahanı – III zona | 21 aprel |
| 6. | Azərbaycan dili imtahanı (dövlət dili kimi), 9 və 11-ci sinif, 1-ci cəhd | 12 may |
| 7. | Azərbaycan dili imtahanı (dövlət dili kimi) 9 və 11-ci sinif, 2-ci cəhd | 30 iyun |
Qeyd 1: İmtahandan 1 ay öncə zonalara aid olan şəhər və rayonlar haqqında məlumat paylaşılacaq.
Qeyd 2: Ümumi (9 illik) və tam (11 illik) orta təhsil səviyyəsi üzrə buraxılış imtahanları modelində dəyişiklik yoxdur və 2024-cü ildə builki imtahan modeli tətbiq olunacaq.
Qeyd 3: DİM tərəfindən keçiriləcək digər imtahanların qrafiki 2024-cü ilin yanvar ayı ərzində paylaşılacaq.