Bakı. Trend:
Xəbər verildiyi kimi, Şəmkir şəhəri, 20 yanvar küçəsində
yerləşən bazar ərazisində baş vermiş yanğın Fövqəladə Hallar
Nazirliyi Dövlət Yanğından Mühafizə Xidmətinin qüvvələri tərəfindən
böyük sahəyə yayılmasına imkan verilmədən qısa müddətdə
söndürülüb.
Nazirlikdən Trend-ə
verilən məlumata görə, yanğın nəticəsində ümumi sahəsi 2340 m² olan
bazar ərazisində bir-birinə bitişik sahəsi 130 m² olan müxtəlif
təyinatlı 8 mağazanın yanar konstruksiyaları yanıb, yüksək
temperaturdan bitişik tikilən iki mağazanın lambirdən ibarət tavanı
14 m² sahədə əriyib.
Bazarın böyük hissəsi yanğından mühafizə olunub.
xxx
18:04
Şəmkir şəhəri, 20 yanvar küçəsində yerləşən bazar ərazisində baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən söndürülüb.
Bu barədə Trend-ə Fövqəladə Hallar Nazirliyindən bildirilib.
Yanğınsöndürənlərin həyata keçirdikləri operativ tədbirlər sayəsində yanğın genişlənməsinə, o cümlədən bazar ərazisində bitişik obyektlərə keçərək böyük sahəyə yayılmasına imkan verilmədən qısa müddətdə söndürülüb.
xxx
17:34
Şəmkir şəhəri, 20 Yanvar küçəsində bazar ərazisində yanğın başlayıb.
Trend xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunublar.
FHN-nin yanğından mühafizə bölmələrinin çevik müdaxiləsi sayəsində yanğın qısa müddətdə məhdudlaşdırılıb. Hazırda yanğınsöndürmə işləri davam etdirilir.
Əlavə məlumat veriləcək.