Bakı.Trend:
2025-ci ilin 6 ayı ərzində Dövlət Tibbi-Sosial Ekspertiza və Reabilitasiya Agentliyi tərəfindən 26.6 min şəxsə əlillik təyin edilib.
Bu barədə Trend-in sorğusuna cavab olaraq Əmək və Əhalinin Sosial Müdafiəsi Nazirliyindən məlumat verilib.
Bildirilib ki, Onlardan 5,2 min şəxsə orqanizmin funksiyalarının 81-100 faiz pozulmasına görə, 9,8 min şəxsə 61-80 faiz pozulmasına görə, 11,5 min şəxsə isə 31-60 faiz pozulmasına görə əlillik müəyyən edilib.
Cari ildə Agentlik tərəfindən 5.156 uşağa əlillik təyin olunub.