...

Sabahkı matçda 2:4 hesablı məğlubiyyətin əvəzini çıxmağa çalışacağıq - “Braqa”nın futbolçusu

Cəmiyyət Materials 22 Fevral 2024 04:33 (UTC +04:00)
Sabahkı matçda 2:4 hesablı məğlubiyyətin əvəzini çıxmağa çalışacağıq - “Braqa”nın futbolçusu
İnqilab Məmmədov
İnqilab Məmmədov
Bütün xəbərlər

Bakı. Trend:

Sabahkı matçda 2:4 hesablı məğlubiyyətin əvəzini çıxmağa çalışacağıq.

Trend xəbər verir ki, bu sözləri Portuqaliyanın “Braqa” klubunun futbolçusu Simon Banza Avropa Liqasının pley-off mərhələsində Bakıda “Qarabağ”a qarşı keçirəcəkləri cavab oyunu barədə danışarkən deyib.

Evdə uduzmaqlarına baxmayaraq, hazırda çox istəkli olduqlarını bildirən 28 yaşlı hücumçu əlavə edib: "Qarabağ" güclü komandadır. Bizim də məqsədimiz yaxşı oyunla növbəti mərhələyə adlamaqdır. Mümkünsüz heç nə yoxdur. Brumanın heyətə qayıtması komandamız üçün çox yaxşı oldu. O, keyfiyyətli futbolçudur. Həm qol vurmağı, həm də çox yaxşı ötürmə etməyi bacarır. Ümid edirəm ki, Bruma sabah mənə bir məhsuldar ötürmə verə biləcək”.

O, “Braqa” rəhbərliyinin komandanın qarşısına tələb qoymasına da münasibət bildirib: “⁠Bunun psixoloji cəhətdən kimə necə təsir etdiyini bilmək olmaz. Bir çoxları bunu təzyiq kimi görür, amma bu, bizə əksinə əlavə motivasiya verir".

Qeyd edək ki, fevralın 22-də Tofiq Bəhramov adına Respublika Stadionunda keçiriləcək oyun saat 21:45-də başlayacaq. Portuqaliyadakı ilk matçda “Qarabağ” 4:2 hesablı qələbə qazanıb.

Xəbər lenti

Xəbər lenti