Bakı. Trend:
Dini Qurumlarla İş üzrə Dövlət Komitəsi tərəfindən 2023-cü ilin dekabr ayında İslam dininə aid ibadət yerlərində vakant vəzifələrin tutulması üçün elan edilmiş müsahibədə 5 vakant vəzifənin tutulması üçün 58-i qadın olmaqla 185 nəfər müraciət edib.
Trend-in məlumatına görə, bunu Komitənin Dini qurumlarla iş üzrə şöbənin müdiri Cahandar Əlifzadə komitədə keçirilən müşavirə zamanı deyib.
2024-cü ilin 4-6 mart tarixlərində keçirilmiş din xadimlərinin attestasiyasının nəticələrindən danışan şöbə müdiri qeyd edib ki, attestasiya olunması üçün 61 din xadiminin sənədləri qəbul edilib.
C.Əlifzadə bildirib ki, attestasiya Komissiyası tərəfindən onlardan 32 din xadiminin bilik və bacarığının tutduğu vəzifəyə uyğun, 14-nün uyğun olmadığı, 13 din xadiminin isə bir ildən sonra yenidən attestasiya olunması şərti ilə fəaliyyətini davam etdirməsi məqsədəuyğun sayılıb.