Bakı. Trend:
Bakıda və Abşeron yarımadasında dekabrın 7-si saat 10:00-a olan məlumatına əsasən arabir yağış yağıb.
Bu barədə Trend-ə Milli Hidrometeorologiya Xidmətindən məlumat verilib.
Bildirilib ki, düşən yağıntının miqdarı 3 mm-dək olub. Hazırda Bakıda və Abşeron yarımadasında yağıntıda fasilə yaranıb.
"Lakin bu gün, 7-si axşam saatlarından 9-u axşamadək yenidən Bakıda və Abşeron yarımadasının bəzi yerlərində fasilələrlə yağış yağacağı, yarımadanın ayrı-ayrı yerlərində leysan xarakterli olacağı gözlənilir. Azərbaycanın rayonlarında hava şəraiti əsasən yağmursuz keçib", - deyə əlavə edilib.