Bakı. Trend:
“Pir Hüseyn Xanəgahı” Tarix-Memarlıq Qoruğu və Zaqatala Tarix-Mədəniyyət Qoruğunun sərhədini və mühafizə zonasını əks etdirən xəritələr təsdiq edilib.
Trend xəbər verir ki, bununla bağlı Baş nazir Əli Əsədov müvafiq qərar imzalayıb.
Digər bir qərarla “Pir Hüseyn Xanəgahı” Tarix-Memarlıq Qoruğu və Zaqatala Tarix-Mədəniyyət Qoruğunun əsasnamələri də təsdiqlənib.
Bundan əlavə, “Zaqatala Tarix-Mədəniyyət Qoruğunun Əsasnaməsinin təsdiq edilməsi haqqında” Azərbaycan SSR Nazirlər Sovetinin 1984-cü il 7 may tarixli 155 nömrəli Qərarı ləğv edilib.