Bakı. Trend:
Masallıda həbs olunmuş şəxs tərəfindən basdırılaraq gizlədilmiş silah-sursat aşkarlanıb.
Trend xəbər verir ki, Ədliyyə Nazirliyinin Penitensiar xidməti və Daxili İşlər Nazirliyi həbs olunmuş şəxs tərəfindən gizlədilmiş silahın aşkarlanması ilə bağlı birgə əməliyyat keçirib.
Bildirilib ki, Ədliyyə Nazirliyinin Penitensiar xidmətinin əməliyyat aparatının Daxili İşlər Nazirliyinin əməkdaşları ilə birgə keçirdiyi əməliyyat-axtarış tədbiri nəticəsində həbs olunmuş şəxs tərəfindən Masallı rayonu ərazisində dəmir yolunun yanında basdırılaraq gizlədilmiş 1 ədəd “Makarov” tipli tapança, 1 ədəd daraq və 4 ədəd patron aşkar edilərək götürülüb.
